《血战钢锯岭》（Hacksaw.Ridge.2016）的确几感人！！难得嘅精彩嘅战争大片！！

本来呢，一开头睇咗一阵，就谂住睇完就算，可以删除唔保留喇。点知，睇到个女主角出场，真系好鬼死靓，于是就响度谂，截几幅图保留下就算喇。但到咗后面，睇到主角果种信仰信念信心，真系好感动，而且呢部片嘅战争场面拍得好真实，除咗有啲血腥核突之外，都真系一部超级精彩嘅难得嘅战争大片！！

近段时间，连续睇咗好几齣好睇嘅电影，可惜就系啲女主角都唔系全部靓女。

1.《掠食城市 Mortal.Engines.2018》嘅 Leila George ，影片中嘅制服同一头长长嘅金发，再加上一对长绒靴（最可惜就系平底嘅！！点解唔系高踭先得噶？！），好鬼索！但就系镜头唔系太多，无乜图可以Cap。响 IMDB 嘅相都极之少，睇嚟应该系个好新嘅演员。

2.《复仇者联盟4：终局之战 Avengers.Endgame》唔使讲嘢喇，非常好睇！！期待最新嘅《黑寡妇》单人电影。

3.《疾速追杀/约翰·威克/杀神(港)/捍卫任务(台) John.Wick》三部曲都非常好睇，“奇洛.李维斯”好耐都无演得咁有型！！但前两集总系觉得剧情单薄，动作太单一，所以，无保留。第三部剧情都几好，所以收藏。

4.《X战警:黑凤凰 Dark.Phoenix.2019》都系好精彩嘅一部电影，最精彩嘅系，近六年嚟第一次一个人响房开住空调，接入部电视开开心心食住开心果，饮住冰冻嘅汽水，好难得好难得嘅机会，所以呢部电影好有感觉！！因为个女主角第一次演Xman果时就觉得佢靓到爆！！后来，原来《权力的游戏》又系佢做主角（可惜无除衫），好正啊！不过，呢加变得好肥啊，哎，个面都肥腯腯喇。

5.《克隆人 Replicas.2018》“奇洛.李维斯”又一精彩作品。开头仲以为系一部惊栗电影，以为复制咗之后出现副作用。点知原来系部正路嘅坏蛋要追杀全家系戏。

6.《阿拉丁Aladdin(2019)》啱啱睇完，个女主角好靓！！连个妹仔都算几靓，如果个鼻再细翻小小就好了。男主角都几靓仔添。