未曾试过，佢地四个人一致话好睇，仲要特登响2019年2月11日嘅《口水多个浪花》挪出嚟讲。不过都真系几好睇，可惜要下年先出第二季……

电影开头嘅剧情就一般，但胜在两个女主角都算好睇，慢慢睇落去，剧情开始有吸引力喇，都算几好睇嘅一齣戏，值得保留。

《唐伯虎冲上云霄》 一般般但系都算几怀旧嘅戏，呢套戏之后，发生太多事啦，王晶条沐嘴粪肠写来写去都系啲咁嘅桥段，毫无新意！反而呢家人地《壹鳩大事回顧》做得越嚟越受欢迎！！

剧情都几紧张，演员啲演技都几精彩。虽然睇到一半就估倒结局，但都系值得保留嘅一部电影，同埋个女主角都几靓女！！

趁住寻晚通宵砌埋个“万代 MG 红异端 高达”，一边睇下又听下咁，将4个几钟嘅《2018年度叱吒乐坛流行榜颁奖典礼》睇完。因为寻晚砌到半夜成个人都瘟瘟炖炖咁，突然发觉“阿正”化咗状好似都几索啵！点至，今日再认真睇清楚，哎，都系眼花者……

寻晚一边响度砌“红异端高达”（万代 MG），一边听晒《2018年度叱吒乐坛流行榜颁奖典礼（2019-1-1）》同埋《黃子華棟篤笑2018金盤o浪口音頻版全》。原来，《金盤啷口》讲得好深，好欣赏子华神睇事物嘅角度同埋勇气，的确系一个好唏嘘嘅show，再见喇，子华神嘅栋笃笑……

唔知几时先有高清蓝光版下载呢？🤗😇……

《古墓丽影9》最好玩，剧情紧张刺激，已经重玩过一次，非常正！！

《古墓丽影：崛起》就一般般喇，无乜惊喜。

但呢部《古墓丽影：暗影》就差喇，战斗太少，动作关卡太多，剧情最离谱，完全莫名其妙，好无代入感！！

真系麻麻地嘅一部戏！！首先，史前一万年，又讲英文，又有马骑，金字塔，帆船，最重要嘅戏果个“神棍”都唔知乜来头，又有个老神婆，哎！！反正，睇完就删！唯一值得回忆嘅又只系得女主角啰，不过，呢家都老咗啦……

Another.Earth （2011） 开始以为科幻片，点知只系讲人性，但主要都系睇女主角够靓嘅者……

第二部就系挪奖影片，主要睇演技！剧情又比第一部好睇！！

个女主角呢加都几老下，但当时后生嘅样超正！！有冲动真系唔想删咗部电影，剪辑晒个女主角嘅靓靓片段……❤