Dear Jane – 到底發生過什麼事 What Happened

不知不觉，又有成大半年无更新！呢断时间发生咗太多事！！！基本上睇过乜电影，听过咩歌，玩过咩游戏，都变得无嗮心机去记录！！到底发生过什么事？！！全世界都知道发生过什么事，就系一班清朝人唔知道！！

2023-3-6

泰妹好靓女啊，不过已经成2个月无见过佢出镜喇，希望以后可以见返佢。

沒說但心照《到底發生過什麼事》這些年來，你我也許一樣，都發生過太多事

近期都无点睇电影，但就打咗好多机。

《终结者：反抗军》，《战神4》，《光环4》，

《光环：无限》，《ELDEN RING》，

《Encased A Sci Fi Post Apocalyptic RPG》（圆顶），《Into the Breach》（陷阵之志），

《荒野大镖客2》，《火焰之纹章：风花雪月》。

《ELDEN RING》就玩得最耐最精彩最花时间（全靠有修改器！）。《战神4》就真系神作级别。《光环4》就好有一种爱情游戏嘅感觉，真系爱上咗AI女主角科塔娜Cortana。《终结者：反抗军》同《光环：无限》就都算几好玩。《Encased A Sci Fi Post Apocalyptic RPG》（圆顶）就比较新奇嘅玩法。《Into the Breach》（陷阵之志）就真系会玩上瘾，超正，但好难玩！！好彩有作弊码啫。呢家就玩紧《火焰之纹章：风花雪月》，《荒野大镖客2》就只系玩咗个开头……

《机动战士高达起源》

从好细个睇TVB嘅动画就知道高达，直到大个咗睇《ZZ 高达》及之后一系列动画，都系对呢个“高达宇宙”一知半解。特别系对“渣古”无咩了解，反正就系坏蛋果边嘅嘢。今次呢部《起源》一开始都系麻麻，直到最后，“红彗星”出场，就觉得几好睇。睇完后，第一时间有冲动想揾翻最早嘅高达动画片从头睇到尾添……

可惜时间有限，而且，感觉，年代久远嘅动画片画面都系唔够丰富。好奇怪，呢家啲游戏郁下都话系“重制版”，点解动画片唔搞下呢？……

最过瘾嘅就系，竟然忍唔住冲动，买咗个国产红彗星渣古返嚟想砌一下。（本来发誓唔再砌高达模型噶喇，不过，渣古又真系唔系高达啰……）

最纠结嘅电影系列《暮光之城》

一口气睇嗮《暮光之城》系列5部电影。有好多感想……就剧情嚟讲，就只得最后一部系觉得好睇嘅，比较紧张刺激，就好似系吸血鬼世界入面嘅“复仇者联盟”咁样嘅超级英雄大战！其它就一般般，开头嘅三部曲有啲情节睇到我想瞌眼瞓。主要系，想唔到外国电影都有韩剧嘅拖沓风格，又有琼瑶咁嘅三角爱情。女主角无啦啦就狂爱男主角，呢个可以理解。失恋后因为寂寞空虚而爱上狼人，都可以理解。问题系，到咗结婚啦，又要搞三角恋，好狗血嘅剧情！！好啦，你班吸血鬼可能未试过同人类结婚，但你搞嘢后会唔会生BB你事前无考虑清楚嘅咩？？安全措施又唔做足，结果搞出个差啲挪女主角条命嘅大头佛！！不过，如果唔系咁嘅剧情，又点会有最后结局嘅一场大战呢？但狼人将女主角嘅女打上络印，呢个又好神奇，点解无啦啦就突然响最危急嘅关头发生咗？！好理解女主角翻生又突变强力吸血鬼后，第一时间就狂抦狼人，屌你老母，想搞阿妈唔成功，就转头想搞人地啱啱出世个女，真系好禽兽！（但佢真系会变成狼啊嘛，而且系巨狼！……）

但系从班女演员嘅样貌身材（虽然大部分都系着得好密实）嚟讲，就真系好多靓女！！所以，睇完后，又唔系好想即刻删除。先保留住，等第日硬盘空间真系出问题唔够用先考虑删除啰。

最后呢，第一次睇电影遇到咁嘅问题：就系我下载嘅前三部曲都系“加长版”，但就系无对应嘅中文字幕！！！只能够边睇边自己手动调整节目，好鬼痛苦啊！所以到咗最后第4部嘅上下两个文件我都费事下载“加长版”。而且，已经系10年前嘅电影嘞，费尽九牛二虎之力先下载得到高清版！！

又睇咗两齣电影《永恒族》同《黑客帝国4》

先讲下《永恒族》。剧情开头好一般，甚至觉得好差，来来去去都系果啲，而且剧情推进好缓慢，睇到人有啲想瞓觉添……不过，都咗中后段，就好咗好多，越嚟越精彩，都算几好睇。女主角呢，好早期一部英国谍战片就留言到佢，当时就觉得几靓女。呢家可以担正做大片嘅女主角（华人导演嘅关系？），真系恭喜佢。

至于《黑客帝国4》，就真系麻麻地啰。可能系太耐之前嘅故事，放响今日，完全没咩特别。只能系怀旧一下。女主角又系华人，完全第一次见就做大片主角，唔知咩来头呢？开头觉得个样好一般，但睇得耐咗，都勉强算个靓女喇。【但睇 IMDB 影出嚟嘅相又好鬼靓啵！】

发现好耐都无揾到好听嘅歌喇，突然有首歌好有感觉【陳鴻宇－理想三旬】

“就老去吧孤獨別醒來”……哎，好有同感，我嘅人生写照！！！

陳鴻宇－理想三旬

詞：唐映楓
曲：陳鴻宇
雨後有車駛來
駛過暮色蒼白
舊鐵皮往南開戀人已不在
收聽濃煙下的
詩歌電台
不動情的咳嗽至少看起來
歸途也還可愛
琴弦少了姿態
再不見那夜裡
聽歌的小孩
時光匆匆獨白
將顛沛磨成卡帶
已枯卷的情懷
踏碎成年代
就老去吧孤獨別醒來
你渴望的離開
只是無處停擺
就歌唱吧眼睛瞇起來
而熱淚的崩壞
只是沒抵達的存在
青春又醉倒在
籍籍無名的懷
靠嬉笑來虛度
聚散得慷慨
輾轉卻去不到
對的站台
如果漂泊是成長
必經的路牌
你迷醒歲月中
那貧瘠的未來
像遺憾季節裡
未結果的愛
弄髒了每一頁詩
吻最疼痛的告白
而風聲吹到這
已不需要釋懷
就老去吧孤獨別醒來
你渴望的離開
只是無處停擺
就歌唱吧眼睛瞇起來
而熱淚的崩壞
只是沒抵達的存在
就甜蜜地忍耐
繁星潤濕窗台
光影跳動著像在
困倦裡說愛
再無謂的感慨
以為明白
夢倒塌的地方
今已爬滿青苔

重温14年前嘅经典大作《红色警戒3》

寻晚终于第二次爆机14年前嘅经典大作《红色警戒3》。开头就谂住只系玩美国盟军就算喇，不过后来都系觉得好刺激，继续玩埋苏联同日本。资料片《红色警戒3 起义时刻》就算嘞，唔玩嘞。不过，重新再玩就遇到问题，原来嘅修改器响win10系统用唔倒！！！揾咗好耐，好彩后来都揾倒一个可以用嘅。同埋，可能系修改器问题，导致有一关出现恶性BUG，差啲过唔倒关，不过后嚟都成功解决咗。过程中去百毒查资信，真系揾倒咗有人遇到同我一样嘅情况。今日写博客前谂住去回复一下，点知！！！百毒竟然话我违反规则，只能限定我自己可见，无人能够睇倒！咁真系不杀之恩喇，相比系删帖嚟讲！！！话就话畀我去申诉，不过我估都系嗮气啦！！！干脆响我自己嘅地盘发仲好！！！

【提问嘅原帖】
红警3日本那个保护浮岛要塞的任务过不去了！！！！
一开始打盟军的MCV，就说我已经完成3分钟内护送工程师到核心的那个额外任务。然后打完盟军MCV，让我修复那两个核心，一看，是满血的。两个工程师进不去。然后之前的完成的任务又显示没完成。重开了好几个档了。都快气死我了。等了好久都是这样。我开修改器是这样，不开修改器也是这样！！！难道要我重装？！

【我嘅回复】
一看下面的回答时间，原来是10年前的信息了……

昨晚深夜我在重温这款游戏，就是遇到一模一样的问题！！！

（所以搜索信息才看到这里）

其实最主要不能过关的是，有一个盟军的基地是显示不出来的，而且当你摧毁另外一个的话，那个基地会迅速复原！！！而且更惨的是，你的军营和战车工厂都不能造兵造车！！！

我是玩“困难”难度，开了修改器。但最后我把问题解决了。

重开任务，我选“简单”难度，也不用修改器。顺利过关。

保存后不愤气，又重新再开任务，再选“困难”难度，不开修改器。

没再出现这情况，流程正常。当进行到完成了“消灭盟军MCV”后，有工兵了，我试着开修改器把工兵变成“无敌”时，修复核心的任务竟然变成完成了！

那就更好了，根本不用管工兵了，直接建造船只去摧毁盟军基地就能过关了。

最后顺便提一下，网上那个旧的修改器（RedAlert3_Trainer_1.12_FINAL3.exe） win10系统用不了，但有些网站竟然说能用，是不真实的。找了好久才找到一个真能用的，叫 Red_Alert_3_V1.0_Plus_7_Trainer_Chs_By_KelSat.exe