好耐好耐无更新过博客喇。寻晚终于深夜爆机《合金装备3 重制版》。后面嘅关卡同剧情都好精彩刺激。女主角好鬼死靓，直头为呢个虚拟角色“沉嗮船”！！！不过整个游戏有两个关卡系好鬼烦嘅！一关就系打狙击手，揾人揾到好撚烦！要三张地图不停跑嚟跑去！另一关就系鬼魂果关，原来行到最后系强制死亡，一定要提前选好“复活药”，并且，死亡画面一定要【长按Q】先可以再按F使用复活药过关，否则一直都过唔倒噶！

游戏表现出嚟嘅战斗气氛同场景都系一流，可惜我部电脑已经系10年前嘅旧机，玩起嚟好卡，有钱就真系要换个电子硬盘同埋增加下内存啰……

话说睇咗”达哥“嘅一条片，觉得几过瘾，就心动咗，因为都未试过玩呢啲所谓”服务型游戏“（即系呃鸠你去充值先可以玩落去嘅手游！！），听讲系公测，真系傻系系咁以为可以免费玩，于是就去Down咗。一睇，搞咩啊，先得100M，咁我唸住系全程联网，于是开嚟玩喇，点知，首歌就好好听，但睇荤都揾唔倒点样开始游戏！！后嚟一睇，原来呢个只系叫”游戏启动器“，仲要更新游戏，下载游戏文件先玩得。点知，试咗好多次，都话下载失败，于是我明白喇，应该系香港服务器，所以根本连唔上！但个网站主页就可以正常打开。于是，试下去百毒搜索，原来我地只能够玩嘅系叫《尘白禁区》！！而且，个主页排版系同人地嘅完全唔同！咁又下载嚟安装喇，要下载10G，点知网速又慢，得个2M/秒都唔到，要下载成个上午！但下载到最后，我突然间想到，今次可能中伏喇，因为肯定要登记手机号！果然，唔单止要登记手机号，仲要真名同身份证号，而且都可能唔得，要预先派咗测试帐号畀你先玩得，呵呵，即刻删除！！！所以，只玩单机破解版嘅信念千期唔好动摇！一动摇，就会变得好ON79！！

至于《生化危机4 重制版》，终于爆咗3次机喇！唔通难度都玩过一次，当然系除咗最简单嘅有辅助瞄准嘅果个费事玩嘞。的确系超级神作，非常好玩！好多人话 ADA WANG 配音把声唔好听，我就相反，觉得非常冷艳性感！！而且，虽然系着装好保守，但关键系着长靴，正到爆！！！《生化危机2 重制版》都爆埋机，都算几好玩，不过，呢家嘅年代，再玩返就真系觉得节奏有啲慢，最憎就系成日走嚟走去解迷，好浪费时间啫。《生化危机3 重制版》就仲未玩爆机，不过只死人暴君真系搞到人好火滚，可能要结局果时先可以打得死？最新电影《生化危机 之 死亡岛》都好紧张刺激，虽然剧情好大路化，但就动作场面嚟讲，都算做得几好，都系咁喇，呢加都无人肯做呢种全CG嘅电影啰……一系唔做，一系就做到《阿凡达2 水之道》果种绝对超级完美嘅级别！《火焰之纹章 Engage》就已经打紧二周目，用最高难度，真系好难玩，虽然已经有修改，但“外传”都系太难玩，果个《邪龙之章》嘅DLC就绝对痴线，咩都限死嗮，根本连第一关都玩唔倒！！！

超级兴奋，因为！！！《生化危机4 重制版》已经被EMPRESS破解咗喇！！！不过呢，呢家嘅破解组织好似只剩返EMPRESS嘞，以前嘅CPY啊，CODEX啊，都好似退出晒了，哎…… 而且呢，《火焰纹章 Engage》玩落又觉得非常好玩啵，所以，真系掀起咗一个游戏浪潮！！！于是我决定，嚟一个生化危机月，将之前未玩嘅《生化危机2 重制版》、《生化危机3 重制版》、《生化危机8 村庄》一次过玩嗮佢，正啊！！！不过咁，就变咗《Half-Life Alyx VR》、《伊苏9：怪人之夜》、《荒野大镖客2 终极版》、《Ghostwire Tokyo》、《HITMAN 3》、《原子之心》甚至《塞尔达传说：荒野之息》同埋当前最火爆最新鲜滚热辣嘅《塞尔达传说：王国之泪》都有排先会玩得晒啊！！！

跟住落嚟，讲下玩MOD嘅经历。玩MOD嘅话，《上古卷轴5》就已经系出晒名喇！上次《生化危机5》、《生化危机6》都有MOD玩，而且有啲画面都系好正！！不过呢，果时睇下就算。今次就真系要玩下。问题系要慢慢睇资料，学习点样玩。不过都算简单，好快就搞掂。问题就系，我最想要嘅“高跟长靴”MOD非常非常极之少！！粗略揾倒得两个！本来就好开心，点知果个Fluffy Mod Manager-119-3-009-1682610620话个MOD作者“Grogu”系盗版人地嘅MOD，唔畀用！！！我屌你老母！！！作为玩家，鬼理得你咁多咩！！！最惨嘅就系，3DM MOD网站打唔开，而且又唔想装游侠果个乜鬼要安装嘅MOD管理器，真系激到死死下，搞咗好耐，好彩，3DM MOD网站突然间又能访问返嘞，马上去下载咗个“3DM MOD站_Mod管理器 – 新制独立版 (生化2专用)_by_l543665”，顺利可以用嘞，开心！！！

的确好好睇，题材好新颖。因为过往都系写地球人畀外星人搞，今次系地球人搞外星人，搞到后嚟都开始同情外星人添。睇埋制作特辑更加精彩，主角嘅化妆好畀心机，拍摄过程都有艰辛嘅地方。响14年前有部咁正嘅作品，的确难得！

之前就好留言呢部电影嘅预告，今日又睇倒，突发奇想，有得下载未呢？于是试下揾，真系可以下载，而且，又非常好彩，可以下载得到！于是下载完有时间就即刻睇埋，都算几好睇喇，特别系赏金猎人果段戏好搞笑！咩都假，主要系女主角太靓嘞！！

好耐都未玩过超级大作喇，其实话就话要部电脑几劲，我全部最低画质，1080p咪得啰！！《Deathloop》真系好正，但就系因为破解版有个严重影响主线嘅恶性BUG，去果个游乐场好容易就死机，死咗又要重头嚟过，真系搞到你会发癫！！！其它都有会搞到死机嘅BUG，不过都可以解决。

《Returnal》都玩得好刺激，但就系剧情太隐晦，好无聊！！！但呢两个游戏个命都系好鬼相同，《死亡循环》同《死亡回归》，而且都系不断重复死亡，又再复生。但风格就完全唔同！一个幽默风趣，颜色鲜艳，
自由度超高！一个就黑暗隐晦，战斗都算刺激，不过成日跑来跑去地图随机改变，有时都会觉得烦烦地。

另外，《前线任务1 重制版》又真系几好玩！爱情故事嘅剧情，虽然系20年前嘅游戏，但对于我嚟讲，超级渴望爱情，真系好解渴，好有投入感啊。（如果啲女角色能够重画变成索女就VeryGood啰 ^-^）

前两日啱啱睇完《叔叔的愛（番外篇）：金成、黃子華對談｜一蚊雞大狀 又如何？》呢个超级精彩嘅访问，寻日又好好彩揾倒《金盆啷口》，睇完超级正！！而且，非常替子华神好彩嘅就系，佢呢场SHOW系响2018年做，如果响2019年6月之后做就麻烦喇……