首先嚟讲下游戏。呢段时间，爆机嘅有《底特律：变人》、《光环 3》、《地平线 零之曙光》、《孤岛惊魂：新曙光》、《无主之地 3》、《毁灭战士：永恒》。仲有呢家玩紧嘅《刺客信条：奥德赛》。
《底特律：变人》系互动电影，剧情超级正。都几感人。可惜我打出嘅结局太差，两大一细嘅女主角都死嗮……
《光环 3》好一般，移植嘅画面超差，中文语音又唔好听，只系一个“突突突”嘅过时作品，玩完就删咗啰！
《地平线 零之曙光》唔使多讲，超级神作，唯一缺点就系女主角嘅样太一般！不过睇耐咗就只能从忍受变接受……
《孤岛惊魂：新曙光》新玩法，有啲唔习惯。又系乱吸迷幻剂嘅故事，普普通通啰，唔算太好唔算太差。
《无主之地 3》开头玩麻麻地，甚至有想删除游戏嘅冲动。中文语音听落好差，点知听听下越嚟越顺耳，游戏嘅剧情又越嚟越吸引。主线流程够嗮长，爆机之后竟然连续再用另一个角色再只玩主线爆机一次，确实系几好玩。不过呢，点解仲系搞假3D呢，2D风格嘅画面真系无得改变？……其实已经有嗮全DLC，但因为流程已经足够长，就无去下载嚟玩喇。
《毁灭战士：永恒》绝对神作，刺激到爆棚！id Software 绝对系射击游戏嘅顶尖公司！！最正就系啲处决镜头，爽到爆！！“肥球”系我最中意嘅东东，哈哈。
《刺客信条：奥德赛》就完全差唔多系另外一套游戏喇，只不过更硬用“刺客”呢个故事者。但的确系全新嘅玩法，地图超大，支线任务超多，呢家仲差一个DLC未爆机。
睇电影打机听歌 